Hafið þið tekið eftir því að fólkið sem kvartar mest yfir því að maður bloggi ekki eru ekki einu sinni að blogga sjálfir
en ég veit ég veit ég veit.. ég er búin að standa mig mjög illa í blogginu undanfarið! ég hef svo sem enga gilda ástæðu.. fer lítið í tölvuna hér heima, hef ekkert að segja, nenni ekkert að gera o.s.frv. (þegar ég les yfir þessar afsakanir hljóma þær dáldið þunglyndislegar!!)
En síðan ég bloggaði síðast hefur heilmikið gerst.. ég hef mætt í vinnuna, sofið, farið í eina jeppaferð.. og svo er ég byrjuð aftur í ræktinni! en ég skal viðurkenna það að ég er ekki jafn klikkuð og ég var.. ég reyni að fara 3 í viku (í staðinn fyrir 7 sinnum þegar ég var fyrir sunnan!) en þetta er rosalega hressandi! dáldið erfitt að byrjar aftur en vonandi hætti ég þessari leti og fer að fara oftar.. fer bara eftir vinnu, hef ekkert annað að gera af því að pálmi er alltaf við vinna alla vega fram að kvöldmat

Krakkarnir mínir á leikskólanum eru alltaf jafn dásamlegir! það sem þeim dettur ekki í hug ;) ég bara verð að segja ykkur eina sögu (þið sem eruð komin með leið á börnunum mínum sleppið bara að lesa þetta ) Það var sem sagt einn gaurinn minn heima lasinn í vikunni og var að leika við mömmu sína. Hann segir við hana: "Mamma, ég er Erla og þú ert Lellý." (Lellý er leikskólakennari á deildinni) Jájá.. sagði mamman ekkert mál. Svo kallar hann: "Lellý!" hún svara náttlega. "Farðu í kaffi!!".  Ég hafði það á tilfinningunni að ég segði aldrei neitt annað við hana Lellý mína! hehe.. æi það sem þeim dettur ekki í hug!

En um helgina erum við að fara í Nesk., við ætlum að vera þar um helgina í sumarbústað ömmu og afa pálma. Jonni og Pálína eru að koma austur og við ætlum að ná í þau í Egs. og fara svo beint á nesk. og spila langt fram á nótt  Harpa og Hlynur koma að sjálfsögðu líka

Svo er náttlega þorrablót heima á bogganum um næstu helgi! Maður er aðeins farinn að finna fyrir spenningi
En ég ætla ekki að segja neitt meira hérna í bili. Þetta var blogg fyrir þá sem að suða en nenna ekki að blogga sjálfir

Núna er jólafríinu lokið og við tekur hversdagsleikinn í öllu sínu veldi. Þessi jól voru dáldið öðruvísi en ætlað var. Ég ætla að taka punktabloggið í þetta skipti annars verður þetta svo assgoti langt
Ps. Búin að setja inn nýjar myndir!

• Ég fór heim daginn fyrir Þorláksmessu, vaknaði aðfaranótt þorláksmessu með hálsbólgu og eyrnabólgu!
• Pálmi fór á Neskaupsstað til sinnar mömmu en kíkti á borgó á þorláksmessu og ætlaði heim á aðfangadag. Pálmi varð lasinn. Pálmi og Erla sváfu ekkert aðfaranótt aðfangadags. Ég fór fram um 6 leytið um morguninn en þá ætlaði ég að líða útaf þannig að ég henti mér inn í rúm í öðru herbergi. Ég náttlega steinsofnaði þar. Þegar ég ætlaði að skríða upp í til Pálmans aftur var hann ekki þar!! þannig að ég fékk mér gönguferð um húsið og fann hann sofandi með ælufötuna í leisíboj inn í stofu! Ég sá fram á það að geta ekki kúrt hjá honum þar þannig að ég fór aftur inn í rúm og náði að sofna. Ég vakna svo um 10 leytið við pabba minn, þá labbar hann fram í stofu og kallar "jæja, þá er það stofugangurinn"!(svona sjúkrahúsdæmi!) hehe.. 

                                   
                                        Tekið í kirkjugarðinum á aðfangadag.

• En Pálminn komst ekki heim á aðfangadag og varð að sætta sig við að vera í gallabuxunum og skyrtu (The north face) og ekki hjá mömmu sinni og pabba eins og planið var.. og hvorugt okkar gat borðað, Pálmi nartaði og ég fékk mér smá en fann ekkert bragð!
• Þá var komið að jólapökkunum! Ég fékk fullt af pökkum en aumingja Pálmi, pakkarnir hans voru á neskaupsstað!! en við fengum nokkra saman þannig að hann fékk að "hjálpa mér" að opna :)
• Á jóladag átti að freista gæfunnar og Pálminn ætlaði á Nesk. hann pakkaði saman dótinu sínu (þessu litla sem hann var með), tók sitt hafurtak, kyssti kærustuna bless og settist út í bíl. Ég sat við gluggann og ætlaði að horfa á eftir honum í burtu (náttlega með tárin í augunum) en neinei.. maðurinn fór bara ekkert... það endaði með því að ég hringdi í hann út í bíl (ég var lasin!!) og þá var hann að kanna færð og veður á skörðunum tveimur og komst að þeirri niðurstöðu að  þau væru bara ekki fær!!! þannig að allt hans hafurtask kom aftur inn. Aumingja Pálmi.
• Á annan í jólum komst Pálminn loksins frá Borgarfirði með kærustu sína í farteskinu! Já heilsan var orðin þokkaleg. Við fórum á nesk. til að halda jólin hjá Pálma. Mamma hans og pabbi héldu litlu jól fyrir okkur og Daði, Auður, Dagbjartur og Jóhanna Dagrún komu líka. Við fengum heilmikla hjálp við að opna pakkana enda Dagbjartur í góðri þjálfun eftir allt pakkaflóðið

• Laugardaginn 29. desember fórum við í smá jeppaferð ásamt 10 öðrum bílum frá Nesk. það var mjög gaman. Eftir ferðina fór ég svo heim á Boggann en Pálmi á nesk. Á sunnudeginum skall á óveður og var nóg að gera hjá Pálma við að hjálpa hinum og þessum og laga húsþök og svona en ég var bara heima og orðin slöpp aftur!!
• Gamlársdagurinn rann svo upp og við vorum á Nesk. Borðuðum hjá Ara (ásamt öllu Ekru liðinu). Fórum inneftir til að stjórna umferðinni við brennuna, þá skall á rok og ógeðsleg rigning, en það varði bara rétt á meðan flugeldasýningin var.. hehe... en þetta var rosalega flott sýning! Eftir áramótaskaupið (sem mér fannst ekkert sérstakt) var farið út að sprengja. Þess ber að geta að þetta er í fyrsta skipti sem ég er ekki heima hjá mömmu og pabba á borgó á gamlárskvöld þannig að þið getið ímyndað ykkur hvernig ég var þarna með allar þessar sprengjur í kringum mig!! maður vissi hreinlega ekki hvert maður átti að horfa  En svo undarlegt sem það nú hljómar þá kom nýtt ár þó að ég væri ekki hjá mömmu og pabba, merkilegt!!

• Nýársdagurinn var mjög rólegur. Lágum í leti heima á Ekru, það var voðalega notalegt
  
  Að lokum viljum við óska ykkur gleðilegs nýs árs og þakka fyrir það gamla