Fyrst af öllu vil ég benda ykkur á að Pálmi var að setja nýjar myndir inn í myndaalbúmið
Við erum búin að hafa það mjög gott um páskana... við fórum á nesk á fimmtudaginn og gistum í tvær nætur á Ekrunni. Á föstudeginum fórum við aðeins inn í sumarbústað, það er svo dásamlegur staður!!

Kíktum svo aðeins upp á skíðasvæði, það var hellingur af fólki þar á skíðum. Um kvöldið var svo boðið til hátíðarkvöldverðar á Melagötunni og mætti þar fjöldi manns. Kalkúnninn var rosalega góður! (ég hef aldrei smakkað svoliss áður!).


Á laugardeginum fórum við í stuttan jeppatúr með Heiðari, Marioline, Viktor og Daníel.. við fórum upp á Vöðlavíkurheiði og komum niður rétt fyrir innan Karlsskála, við keyrðum svo út að Karlsskála og snérum þar við. Ég og Marioline tókum við bílstjóraembættinu þar og keyrðum heim  
 
Við vorum svo komin á borgó um kvöldmatarleytið, beint í fiskisúpuna hennar mömmu. Í morgun (páskadag) fórum ég, pabbi og Pálmi í smá morgungöngu, löbbuðum niður á Björg og þaðan niður að Ósi og fórum svo innfyrir Álfaborgina.

Pabbi og Pálmi fóru svo smá rúnt inn í Afrétt til að kanna færð og snjóalög þar. Meðan sátum við mamma heima og höfðum það gott

Endilega kíkið í myndaalbúmið og skoðið myndirnar.. þær segja meira en mörg orð.. ég ætla að halda áfram að borða páskaeggið mitt.. þetta er eini dagurinn á árinu sem maður má borða endalaust af súkkulaði og maður verður að nýta sér það

• Fyrir tveimur helgum síðan fór Pálmi í langa jeppaferð en ég fór heim á Boggann til mömmu og pabba. Myndir úr ferðinni hans Pálma er hægt að finna inn á www.f4x4.is
• Næsta vika leið á markverðra atburða.
• Svo kom önnur helgi og við fórum til Akureyrar með VGK-Hönnun. Vorum á hóteli í tvær nætur (ég elska að vera á hóteli!!). Við fórum í bíó, leikhús og út að borða. Ég, Áslaug og Hafrún Katla þræddum búðir meðan Ari og Pálmi fóru með krakkana á skíði. Mér finnst Akureyri dásamlegur staður.
• Svo kom önnur vika og við bara unnum og sváfum þess á milli.
• Nú og enn var komin helgi (tíminn er svo fljótur að líða!!). Pálmi fór í Viðfjörð með unglingadeild björgunarsveitarinnar en ég var bara heima að slappa af og njóta þess að gera ekki neitt.
• Næsta helgi er komin með neitt ákveðið plan.

En svona í tilefni að því að ég blogga í dag þá vil ég óska Hörpu litlu frænku minni innilega til hamingju með afmælið í dag 

Hérna er Harpa á góðri stundu í heita pottinum "okkar" í Kjarnaskógi.