Við erum búin að hafa það rosalega gott um jólin. Pálmi kom á Borgó á Þorláksmessukvöld eða aðfaranótt aðfangadags. Í hádeginu á aðfangadag var okkur boðið í möndlugraut í Melgerði, Dagrún sá um eldamennskuna og var grauturinn og sósurnar alveg rosalega góðar. Dagur Skírnir fékk möndluna og fékk hann after eight og litla rauðvínsflösku í verðlaun.

Nafnarnir, Kjartan Óli og Kjartan Óla
Þegar kirkjuklukkurnar hringdu inn jólin settumst við við matarborðið og gæddum okkur á ljúffengum hamborgarahrygg. Eftir matinn var farið jólakortin og pakkana. Ég ætla nú ekkert að telja upp hérna hvað við fengum en við fengum margar og fallegar gjafir og þökkum við kærlega fyrir okkur.
 
Pálmi ánægður með jólagjafirnar sínar.
Við fórum yfir í Melgerði um 10 leytið eins og venja er.En um miðnætti var komið logn þannig að við fórum upp í garð og kveiktum á kertum og fórum svo í Álfaborgina og kveiktum þar á 12 kertum.

Ég kveikti á kerti á leiðinu hans afa í Mel.

Ég við leiðið hjá ömmu og afa í Sól.
Á jóladagsmorgun fórum við í smá morgungöngu. Löbbuðum upp á Álfaborg til að hreinsa upp kertin eftir okkur og löbbuðum upp í kirkjugarð og hreinsuðum kertin þar.

Himininn var rosalega fallegur á jóladag.
Jónsi var hjá okkur í hádegismat á jóladag og svo var jólakaffi í Melstað kl 15, mætti fullt af liði til að gúffa í sig ljúffengar tertur sem móðir var búin að baka. Við skellum okkur svo á Nesk. í kvöldmat (höfum passað okkur á því að missa ekki úr máltíð!). Við vorum á Nesk. í gær, vorum á Ekrunni að spila og slappa af. Ég kom svo heim á Borgó í gærkvöldi en Pálmi varð eftir á Nesk. þar sem hann er að brasa í flugeldasölunni og þess háttar. Hann og Siggi Villi fóru í gærkvöldi í ísklifur í fossinum á Eskifirði.

Ég var að setja inn nokkrar myndir sem við höfum tekið núna um jólin.

Pálmi og Kjartan Óli.

Kæru ættingjar og vinir !
Við óskum ykkur gleðilegra jóla
 og farsældar á komandi ári.
Njótið þess að vera saman um jólin
 og hafið það gott.
Jólakveðja
Erla og Pálmi

23. des. Servíettur

24. des. Kertastjaki

Þá er maður kominn á Borgó til mömmu og pabba  
Áður en ég kom heim byrjaði ég á því að bruna á Fásk. til að óska Skafta mínum gleðilegra jóla og kveikti á kerti við leiðið hans, jólin koma ekki fyrr en maður er búinn að kíkja á hann.

Svo brunaði ég heim í fjörðinn fagra. Þegar ég kom heim voru móðir og faðir að klára að hreingera þannig að það var allt rifið upp úr jólakössunum og sett jóladót út um allt, nema náttlega jólatréð!
Í dag fórum við mamma yfir í Melgerði og gerðum jól þar áður en Olla kæmi með ömmu heim. Svo komu þau öll (amma, Olla, Ingólfur, Dagur, Dagrún, Kjartan Óli og Kastró) niðureftir um áttaleytið í kvöld. Þá var aðeins farið að lægja á fjallinu, en það er búið að vera skítaveður hérna í dag.. rok og rigning.
Pálmi er enn á Rfj. hann var að vinna í dag og verður að vinna fram að hádegi á morgun en þá ætlar hann að bruna á Nesk. og fá sér skötu hjá ömmu og afa á Melagötunni og svo ætlar að hann að koma til mín annað kvöld og vera hérna á aðfangadag.
Á morgun er svo skötuveislan hjá Kalla, þá byrja sko jólin.. hehe.. maður hittir alla sem eru komnir heim í jólafrí og svona..
En ég reikna með að allir (alla vega Dagmar) bíði spenntir eftir að sjá hvað hefur verið í pökkunum síðan síðast..

 
17. des. Tveir konfektmolar      18. des. Eikkað jólaskraut
 
19. des. meira jólaskrau         20. des.Eikkað fínerí í flösku.
 
21. des. Marmelaði með Viskí    22. des. Tvö lítil kerti.

Ég ætla ekki að lofa miklu bloggi um jólin, en hver veit hvað manni dettur í hug. Reyni að vera dugleg að fara út og taka myndir og svona fyrir ykkur
Ætla að enda þetta blogg á nokkrum vel völdum myndum

Maron Fannar í jólakortamyndatöku.

Nóel Darri í jólamyndatöku

Maron Fannar var ekki að nenna þessu (skildi hann mjög vel!)

Munið að hvíla ykkur og slappa af um jólin!

Hef voðalega lítið að segja þessa dagana.. þannig að ég ætla bara að sýna ykkur hvað ég hef fengið úr körfunni góðu síðustu daga

12.des. Mjög ósmekklegt hjarta

13. des. Efni og leiðbeiningar til að búa til músastiga.

14. des. Súkkulaði (held að þetta sé svona til að hræra í kaffi)

15. des. Reykelsi (litli píramídar)

16. des. Lítið hús til að setja reykelsin inn í. Mjög flott að setja reykelsin inní þá kemur reykurinn upp úr strompnum :)

Þá er þessu lokið í bili.. 8 gjafir eftir enn.. En maður má víst ekki kíkja í þá strax.. ég er svo ótrúlega þolinmóð að þetta er ekkert mál fyrir mig
Á morgun erum við að fara í Egs. eftir vinnu hjá Pálma og búa til konfekt með vinnufélögum hans, það verður bara gaman!
Ég kveð að sinni og njótið þess að undirbúa jólin.