Jonni og ég

Anna og Bobba frænkur stoppuðu líka en þær voru á þorrablóti hjá Ásatrúarfélaginu í gærkvöldi ásamt Jonna og Hödda. Ekki slapp ég við nudd í þetta skiptið () en eftir það gekk mér mun betur að hlæja og ég gat andað dýpra. Munur að eiga svona frænku!

Einar verðandi hjúkka, Bobba og Anna

Einar frændi minn rak líka inn nefið eftir 10km skíðagöngu í bláfjöllum í hríðarbyl ásamt félögum í HSSK. Stuð hjá þeim félögum. Hann tók nokkrar myndir og skutlaði svo Jonna heim eftir erfiðan vinnudag á sjúkrahúsinu.
Núna sitjum við Erla ein eftir í kotinu, ég að læra á nýju myndavélina og Erla að prjóna og hugsa heim á Boggann þar sem þorrablót Borgfirðinga fer fram með frábærum skemmtiatriðum og besta hákarli á landinu... við verðum að láta okkur nægja að smjatta á þorramat yfir myndbandinu einhverntíman.

Erla og ég
Það gekk mun betur að ganga og hreyfa sig í dag, en ég fór 2svar fram á gang svo að en nú er farið að glitta í endalok sjúkrahúsvistarinnar en ég fer ekki út fyrr en ég get gengið eitthvað óstuddur.
Ég vil líka þakka ykkur öllum fyrir kveðjurnar, þær eru mér mikils virði.

Lifið heil

Kæri sáli.. Þá er dagur fjögur að kveldi komin og allt við það sama hérna á landsspítalanum. Búið er að taka legginn úr bakinu á Pálma og vilja hjúkkurnar líka taka þvaglegginn en Pálmi vill fá að hafa hann alla vega þangað til hans kemst sjálfur á klósettið. Læknarnir vilja að hann fari út á morgun en ég , yfirhjúkkan sjálf, vil ekki taka það í mál! Hvernig er hægt að henda honum út þegar hann getur ekki einu sinni gengið 3 metra!! Hvað þá gengið hjálparlaust?? Það hefur ekki gengið alveg nógu vel að ganga í dag.. í morgun settist hann bara á rúmstokkinn, í næstu ferð var nærri liðið yfir hann þannig að við þurftum að setja undir hann stól til að hann gæti hvílt sig á leiðinni (og þá erum við að tala um að hann var komin meter frá rúminu!) en núna áðan þurfti hann að gera stórt þannig að ég og önnur hjúkka gátum stutt hann á salernið. Þannig að það er spurning hvort að þvagleggurinn verði ekki bara tekinn á morgun og hann fái bara aðstoð til að komast á klóið. En nóg komið af salernisferðum..
Í dag kom Anna frænka í Danmörku í heimsókn, það var rosalega gaman að fá hana! Erla og Bergrún kíktu til okkar og svo komu Eyddi og Ingvar.. Í gær komu Jonni og Pálína :) Það er sko nóg að gera í gestamóttökunni sem er bara gaman! Ég reyndi að vera hér meira og minna allan daginn, þannig að ég held að Pálmi hafi ekki tíma til að láta sér leiðast ;)

Anna frænka og Pálmi að ræða málin :)

Í gærkvöldi skildi ég reyndar Pálma greyið eftir eina og fór að hitta svísurnar sem voru með mér í Kennó! OOOO það var svo gaman!! mér leið bara eins og ég hefði aldrei farið austur og við værum bara enn í skólanum ;) Það var frábært að hitta þær og vonandi getum við gert þetta alltaf þegar á kem suður ;)

Ekki vantaði nú kræsingarnar frekar en vanalega ;)
Nú að sjálfsögðu mundi mín eftir bóndadeginum og gaf sínum bónda ægilega fína flíspeysu, 66 norður ;) Ég klúðri því að taka mynd af honum í dag þegar hann mátaði hana en vonandi á hann eftir að fara í hana einhvern tímann aftur þannig að það verða fleiri tækifæri til að taka myndir af honum í henni.

En við kveðjum að sinni í dag og þökkum kærlega fyrir allar kveðjurnar sem við höfum fengið hérna.. það er frábært að sjá hvað þið eruð duglega að kommenta.. Pálmi brosir út að eyrum í hvert skipti sem hann sér nýtt komment ;) hehe. þarf ekki mikið til að gleðja mann þegar maður er á sjúkrahúsi ;) 

Flottasti sjúklingurinn á Landsspítalanum

Pálmi og Bjarney að ræða málin áður en hún missir stjórnina á honum;)

Lengsta gangan til þessa, tveggja metra maraþon!

Þetta er sko alvöru skurður eins og sjá má! En takið eftir hvað sjúklingurinn minn ber sig vel