...Erla & Pálmi...

Eldra efni

Tenglar

Blogg

19.5.2009

Loðmundarfjörður

Við erum komin heim frá Loðmundarfirði. Það var dásamlegt að vera þar í eina viku og þurfa ekki að hafa áhyggjur af einu eða neinu og geta notið þess að vera úti í náttúrunni. Við hjálpuðum mömmu og pabba að koma varpinu í gang, gera allt klárt þannig að kollurnar geti farið að verpa. Settum út öll flöggin, settum upp girðinguna og settum út ca. 90 ný hreiður.

En við vorum ekki bara að vinna allan daginn, dagurinn leið nokkurn veginn á þennan hátt: Við borðuðum morgunmat um 9 fórum svo út og unnum fram að hádegi (oft var reyndar morgunkaffi þarna á milli). Eftir hádegismatinn var alltaf lagt sig, í flestum tilfellum sofnaði Erla og svaf vel og lengi! Eftir legginn var stundum unnið í smá stund áður en að kom að kaffinu. Eftir kaffið var lítið unnið fram að kvöldmat, eftir hann var stundum brasað eikkað aðeins eða labbað út á sand.

Þetta var dagurinn í hnotskurn emoticon

En eins og sagt var hérna í byrjun þessarar færslu þá var þetta dásamleg vika í alla staði og fannst okkur mjög miður þegar vikan var búin og við þurftum að fara aftur heim. Við fórum í eina gönguferð, löbbuðum upp á Neðri hjalla, fyrir ofan Sævarenda, og löbbuðum þar uppi út af Krummagili þar sem við vil ætluðum að eyðileggja hreiðrið og drepa ungana en Krumminn var ekki á sínum stað (hann er farinn að sjá við okkur!).

Við komum svo heim á laugardeginum, fengum far með Birni Roth og Bernt Koberling til Seyðisfjarðar (björgunarsveitin náði í okkur á bát). Fórum svo með þeim í Egs. á eldgömlum Land rover (1972) og Sveina og Pétur skutluðu okkur heim á Borgó.